«Мотт бу – къам ду, мотт бац – къам дац!»

Куьзган чохь санна вайн дахар гойтург,

даима вай буьйцург ненан мотт бу –къа.

З. Джамалханов

25 – г1а апрель – Нохчийн меттан Де. Нохчийн меттан денна лерина д1адехначу г1иллакхех лаьцна.Даздаршна кечамбар хьалххехь долийнера, билгалдаьхнера дан лерина г1иллакхаш, къастийнера жоьпалле берш.

Ерриге коллективо, шаьш декхарийла дерг, доцург ца хьехош, дика къа а хьийгира, цундела, хьалхах1иттийначу 1алашонца ларийна аьлла а хета. Х1ора классо бохург санна арахецна нохчийн маттахь, литературех пенан газеташ.Дешархоша жигара дакъалецира нохчийн маттахь дикаешархойн къийсадаларшкахь: 8 -9а классера дешархоша Шахмурзаева М., Сайтаева П., Гериханова З-Ш.Иштта жигаралла гайтира дешархоша нохчийн литературан гайтам вовшахтухуш а. Классашкахь д1адехьна къоман культуран гоьбевллачу деятельшна лерина классан саьхьташ.Тхо тешна ду, оцу г1уллакхаша дешархойн хаарш совдахарна а, ненан матте безам кхиорна а дика т1е1аткъам бийриг хиларх.Цул т1аьхьа, олуш ма-хиллара, дош поэзига кхечира. Дешархоша дагахь йоьша Шайхи Арсанукаевн., Ш. Рашидовн, У.Ш. Мамакаевн, Джамалханов З., кхи д1а халкъан поэтийн стихаш, церан произведенеш т1ехь сценкаш х1иттайо, поэтин кхоллараллех шаьш кечйина докладаш йовзуьйту. Дика йийшира дешархоша церан стихаш.11 классера дешархоша: Айшт Алхазурова, Аминат Темирсултанова.10 классера дешархоша: Инаркаева Петимат, Сулейманова Карина.Къаьстина тайра гулбелчарна 11 классера дешархо «Нохчо ву со» Сатуев Х-А., Дикаев М. стихотворени ешар. КВН –«Дайн оьзда г1иллакхаш».Нохчийн меттан де кхайкхор доккхачу маь1не г1уллакх хета. И дазаро а, коьртаниг, цунна кечамбаро а яккхий таронаш кхуллу нохчийн меттан сий – пусар айа а, дешархойн хаарш совдаха а, ненан меттан г1оьнца кхетош- кхиоран болх жигарбаккха а.Дикачу вовшахтохараллица д1адехьара нохчийн меттан де даздар.Цо кхин цкъа а тешаво и дезде вайна оьшуш хиларх, цуьнан т1аьхье беркате хирг хиларх.Шеко яц, ненан мотт даггара безаш 1аморо а, и дика хууш хиларо а кхечу къаьмнийн, уггар хьалха оьрсийн литература а, культура а к1орггера йовзарехь, халкъийн вовшашца долу доттаг1алла де дийне мел дели г1г1дарехь-доккха маь1на лелориг а, г1о дийриг а хиларан.